Beste askoren artean, liburu arras dibertigarri bat utzi zigun Kiplingek, ingelesez Just so stories izenburua duena. Liburu honetan istorio fantastikoak biltzen ditu. Naturako zenbait gertaera eta egoera ipuin moduan argitu eta horien azalpena eman nahi digu. Trufa eta ironia baliabidetzat erabiliz, mareak nola sortu ziren azaltzen digu, edo lehenengo gutuna nola idatzi zen, edo zergatik katuak diren hain isilak eta bere kasakoak.