Gure liburuaren argudioa honako hau duzu : pirata batek ez du bere benetako familia ezagutu, umea zenean ijito batek lapurtu eta komertzio gizon bati saldu ziolako haurra. Garai hartan ingelesen esku zegoen toki garrantzitsu baterako bidaian, Madagaskar, hasten dira bere ibilaldiak ; gaizkilez betetako itsasontzi baten egiten duen bidaian. Piraten nabigazioak berarekin dituen alde gogor, txarkeria eta bortizkeria guztiez oso gazte ohartzen da Singleton. Itsasontzian matxinada bat dagoela-eta Bob Singletaon gaztea, beste pirata batzuekin batera, uharte batean uzten dute. Hortxe azaleratzen dira, hain zuzen, pirata izateko dituen ahalmen handiak eta bere zuhurtzia. Afrikako kostaldera iristea lortzen dutenerako hainbat zailtasun eta arrisku gainditu beharko dituzte.