Oraingo honetan, Makurmendiko magalean kokaturiko Harribeltza herriko istorioetan murgilduko gara. Bi ezizen horien gibelean gordetzen diren mendi eta herri gipuzkoarren pertsonaiak, gertaerak, kontakizunak... trumilka etorriko zaizkigu, bata bestearen atzetik : Martur gaskoia, Loretxo Zuria izeneko printzesa, Indianoeneko Joakin Isasti, Ollarra kapitain karlista, Mariñeleneko Joani, Santa Kruz apaizak, Aita Barandiaranek eta Mark Legasek osaturiko hirukote beltza, Blas Lezoko kortsarioa, Nostradamus igarle ospetsua, nikibildarrak... Osora errealitatea eta fikzioa uztartzen dituzten hamabi istorio kostaldeko herri baten erradiografia magikoa azaltzeko asmotan.