Euskaldunon artean zenbait herri ipuinen hainbat eta hainbat aldaera desberdin aurki daitezke, tokian tokiko ñabardurez bereizturik.
Gurean, bestalde, idatziz jasotzeko ohitura oso berantiarra izan dugunez, desberdintasun horiek areagotu baino ez dira egiten. Ahoz transmititzearen kontuak bi ipuin mota nahastera garamatza. Hau da, Ipuin Tradizionalak, taldeko sorkuntzari, kolektibitatearen sorkuntzari, esker jaiotakoak oso erraz nahasten ditugu Herri Ipuinekin. Azken horiek, ordea, ez dute nahitaez anonimoak eta ahoz aho igorritakoak izan behar.
Liburu honetan, Gotzon Garatek han eta hemen entzun eta bildutako ipuinei berak asmatutakoak gehitzen zaizkie, izenburuak berak argi uzten duen legez aldarte onean gozatzeko sorta ederra osatuz.