Urte askotan errusiarren menpeko izandako lurralde batean gerran daude. Haraxe joan beharko du kazetari gazte batek berri-emaile. Eta han, bere lana ongi burutzeko, bertako mutiko bat kontratatuko du interprete lanak egin diezazkion. Gerrak eta eguneroko bizi beharrak mutiko azkar honen irudimena areagotu egingo du. Gorabehera arriskutsu askoren ondoren, kazetaria eta interprete nerabea oso lagunak egingo dira. Liburu hau adiskidetasunari buruzko alegoria bat da, baina, aldi berean, gerraren gordintasuna agertzen digu ; gerra-lekuetan milaka eta milaka lagun nola bizi diren erakusten du, eta zein gauza zentzugabea den gerra.