Zoritxarrak beti koadrilan ibiltzen direla esan ohi da, eta hala sentitzen du Carlotak, bere gain erori direla kalamidade guztiak batean: gurasoak bizilekuz aldatuta, beste hiri batean eta institutu berri batean hasi behar du ikasturtea, eta gainera, gaixotasun baten erruz ilea arrasean moztuta daukanez, txano batekin estali behar du burua...
Etorkizunik ez Dutenen Bandako kide sentitzen da Carlota, Poch kantaria bezala. Hain zuzen, hil berria den rock kantari donostiar hauxe hartuko du bere sekretuen entzuletzat, hari kontatuko bere duda-mudak, amodiozko penak eta bizi-nahiak.