Anton argazki-album batean agertzen diren irudiei begiratu ahala bere bizitzako hainbat une eta gertaera gogoratzen hasi da. Txikitan primeran pasatu du bere lagunekin eta mundu idealizatu batean murgilduta egon da, baina errealitatea maiz ez dela azalean dirudien bezalakoa, gogorra eta gupidagabea baizik, konturatu da. Egoera latzak pairatzea tokatu zaio eta maite-maite dituen pertsonak desagertuz joan dira. Zoritxarreko halabeharrak ez duela inoiz bakean utziko uste du eta, horregatik, halako batean zoriontsu sentitzen denean alde egiten du, urrutira, bestela patuak zoriontasunari amaiera emango diolakoan. Bidaia luze baten ondoren salbu dagoela uste duenean itzuliko da, beldurrak oro ahaztuta. Hala ere...