Fuentesek Artemio Cruzen heriotzarekin hirurogeiko hamarkadako literaturgile eta literatura-kritiko guztiak aho zabalik utzi zituen eta ez zen, ez, gutxiagorako, "literatura" berri bat ekarri baitzuen. "Lengoaia asmatzea historiak isildu duen guztia esatea da" zioen behin Fuentesek. Esan ez ezik, lortu ere egin zuen, maisuki lortu ere, nobela honetan ondo baino hobeto erakusten duen bezala. Bertn, hil-urren dagoen agure baten egoeraren eta historiaren bidez, Fuentesek Mexikoko historiaren eta kulturaren kritika zorrotza egiten baitu, garai hartarako erabat berritzaileak ziren narrazio-teknikak erabiliz.