Mexikoko lur bazter bat dugu orriotan irudikagai, Comala, hautsez eta nekez lurrarekin berdintutako bere jendekin. Lur-arras berdinduxe dirudite, orobat, hilak eta biziak, eta ustekabe galantak emango dizkio horrek irakurleari eta, haren bitartekari gisa, hasierako narratzaile Cormalaratu berriari. Etorri ere, aita omen duen Pedro Paramo lurjabearen bila etorri da Comalara Juan Preciado, eta harekin gu, jatorri eta bizileku bila, heriotzan ere amaitzen ez den bidaia larrian.