Dentistaren etxeari gauza asko fa-fa-falta zitzaizkion tiburoiez betetako piszina bat izateko. Chuck Aranbarri eta bere amaren aurrean eseritako emakume potola-oso-potolaren iritzirako, ordea, bi lekuak -kuak ! kuak !- erabat berdinak ziren : igual-igualak.
Kontsultako panoramak ez zion graziarik egiten emakume potoloari : bere eskuinera eseritako gizon flakostak automobilismoari buruzko aldizkaria irakurtzen segitzen zuen ; laranja koloreko sofan erdi etzanda zegoen gazte atletiko eta bibotedunak zu-zu-zurrungaka ; Chuck Aranbarri eta bere amak, berriz, elkarri kontu ttikiak esanez.