"Ni orain Ttoloz maitemindurik nago, baina bera ez da ohartzen.
Zergatik ez den ohartzen ?
Laster esango dut, baina aurrena beste kontutxo bat aitortu beharrean nago : ni urtean bi bider maitemintzen naiz, eta aldi bakoitzean hamabost egun irauten dit maiteminak ; gehiago ez. Gero, pasatu egiten zait.
Zergatik hori ? Ez dakit. Txakur eme guztioi gertatzen omen zaigu. Hori besterik ez dakit. Orain maitealdian nago. Eta Ttolo maite dut; jan egingo nuke, musuka jango nuke".