Ixiar gaixorik dago, oso larri. Azken asteotan Agustinen izena errepikatzen du ametsetan behin eta berriro. Kezka handiren bat du barnean, baina senarrari ez dio ezer esan nahi. Senargai izandakoaren arrastoa bilatu eta bere ondara eraman dezala, besterik ez.
Baina hogeita bi urte iragan dira bien bideak bereizi zirenetik, eta Agustinek ez du ulertzen jaso duen gutunaren arrazoia zein izan daitekeen. Aspaldian geratu zen bazterrean bien arteko amodio istorioa, mutila preso sartu zutenean.
Boroka armatua bidetzat hartu duten bi ekintzaileren arteko maitasun ezinezkoa dakarkigu egileak eleberri honetan. Sentimenduak nagusitzen dira narrazioan, bainan bilerek, militantziak, kartzelako bizimoduak eta sasoi bateko giroak ere badute isla, betiere iragana eta oraina uztartuz.