Euskal literatura ezagutzeko irrika duen edonorentzat aproposa da oso Gotzaon Garatek paratutako ikerketa lan hau.
Hitzaurrean esaten digunez, Deustun eta Fordham-en egindako lanen fruitua da eskuartean duzun liburu mardul hau.
Hiru atalek osatzen dute : Lehenbizikoan, euskal eleberrigintzaren hasierako gorabeherak azaltzen dizkigu eta gero Piarres Adame eta Bein da betiko aztertzen ditu. Bigarrenean, Txomin Agirreren Auñamendiko lorea eleberriaren alderdi on eta txarrak ikertu ditu. Eta hirugarrenean, Agirrek idatzitako beste eleberri handi biren azterketa burutu du, Garoa eta Kresala eleberriena, hain zuzen.