Piarres Lafitte, nortasun handiko euskaltzainaren mendeurrena gure erara ospatu nahi izan dugu, Euskal Kultur Erakundeak eta Baionako Elkarlanean argitaletxeak liburu berri hau euskaltzaleei eskainiz. Horrela, duela hiru urte hasi genuen "Idazle bat beste idazleez mintzo" sailari jarraipena damaiogu.
Hautua nahitara XIX. eta XX. mendeetako nafar lapurtar idazleetara mugatu dugu, haietarik bat Iratzeder, oraino bizi delarik. Idazki hauei esker, idazle horien bizitzaren eta utzi diguten obraren berri ezin hobeki ikasiko du irakurleak, bidenabar Lafitteren luma xorrotxa bezain aberatsa preziatuz.
Liburu hau ere eskuz esku doala, aldian aldiko irakurle eta idazleen artean, euskal literatura gero eta joriago, ederrago eta zabalduago izan dadin.