Gurasoak aspalditxo apartatu zitzaizkion Mikeli, liburu honetako protagonistari. Aitak Greziara alde egin zuen beste emakume batekin, ama eta bera bakarrik utzita, eta mutikoak, nola edo hala, eguneroko bizitzari aurre egin behar dio : amaren etsipenari, eskolari, matematikei batez ere, aitaren ausentziari... Etsipena eta esperantza, tristura eta bizi-poza elkarri ukituz daudela ikasiko du, nahikoa dela maitasunaren izpia agertzea bata zein bestea nagusitzeko. Eta ikasi ere ikasiko du bizitzan, askotan, ez dela erraza gauza errealak eta irudimenezkoak bereiztea.