Bizitzan gorabehera handiak izan ohi dira. Zoriontasun uneak asko izan daitezke baina memento triste-tristeak egon badaude, nola bestela. Azken horietan, norberari, bere baitan duen itsasoa gaiztotuko zaio eta horren olatuek bakoitzaren eztarriaren kontra talka egin ondoren negar malkoak aurpegiko bi leihoetatik isuriko dira. Gauzak horrela, bizitza osoan oroituko gara itsas-tanta -partikularren- zaporearekin, baita beraien zergatiarekin ere.