Hamar narrazio, hamar egoera, hamar bizimodu ; denak benetakoak eta bizimodu bakarraren hamar atal izan daitezkeenak. Baten bat ezagun egingo zaizu, beharbada ; inguruko batengan ikusiko duzulako edota zeure bizitzaren atal delako, sentitu egin duzulako, zeure haragian igarri ; bidegabekeriaren mina jasan duzulako, zeure sexu grinak antzerakoak direlako, amatasunak dituen une lazgarrien urratua azalean daramazulako edo Heriori aurrez aurre begiratu behar izan ez badiozu, egunen batean begiratu beharko diozulako ; agian, sekula ahaztu ezingo duzun maitasun ezinezko hura, oraindino bihotzeko giharretan sustraitua duzulako ; baina zeu ere hortxe zaude, zeure beldurrak eta isilpekoak izkutatu eta gorde nahian.