Ez naiz efektu optikoa, ez naiz protesia, eta ez muturreko baten ondoriozko hanpadura. Inoiz ikusi duzuen sudurrik handienak baino hiru zentimetro gehiago daukat. Ez naiz zapala, ezta zuta ere. Helenikotik, ezta "h"a ere, sudur makotik bezala, neure kalterako. Nire nortasunaren bereizgarri behienena nortasuik ez izatea da, hain zuzen. Penagarria zinez. Esan genezake, hori bai, bakarra naizela zeure espezienan, arbiaren eta patataen artean nagoela, tontortxo eta zaldarrez betea, metroko sarrerak bezalako bi zulo eta artilezko txanoen borlak gogorarazten dituen puntarekin.