Manuel Matxain (1916-1999) Aietako Txabola etxean jaio zan. Donostiarra genduan, beraz. Ala, beraren izena Gipuzkoako iriburuak eman dituan bertso-jartzailleen zerrenda luzatzera dator; Bilintx, Ramon Artola, Iraola, Arzak, S. Irure, Pepe Artola, Segundo Kalonje eta abar, oietako batzuk Donostian jaioak ez izanagatik, bizitzarik geiena bertan egin zutelako. Matxain 1963-an asi zan bertso jartzen, eta ogei ta amar urtean etzuan langintza ori eskutik utzi, bitarte ortan eunka ta eunka bertso papereratuz. Beraren bertso-bilduma eskeintzen diogu gaur irakurleari. Ez da agian oso-osoa izango; baiña bai aal izan degun osoena. ia milla eta berreun bertso dituana. [...]