Ataño (1913-2000) zanaren beste bi nobela eskeintzen dizkiogu gaur irakurleari : Markesgaiak, antziñako kontaera edo aoz aoko tradizio batean oiñarritua ; eta Dirua Jainko, gerra ondoko giro latza eta nagusi-langilleen arteko arreman txorrotxak agertzen dizkiguna.
Euskera dotore eta aberatsa, legun eta garbia, jatorra eta errikoia arek bere idazlanetan erabiltzen duana. Liburu oiek gure erri-izkuntzak igo dituan gaillurrak dirala esan genezake.
Bestetik, berriz, arrigarria da Ataño idazle ixil onen ugaritasuna. Orain arte argitara emandako lanak asko badira ere, mordo bat degu oraindik ere illunpetik atera gabe, txandaren zai alegia.
Zeruko opari bat dira, dudarik gabe, beren erriari olako altxorra uzten dioten gizonak.