Bere oroitzapenak 1960ko apirilaren 29an frantsesez idatzirik utzi zituen aita Joannateguyk. Marzel Etxehandi komentu bereko fraide ezagunak 1995ean euskaratu zituen, Xipri Arbelbide apez idazle eta garai hartan Baionako "Gure Irrati"ko kazetariak galdeginik, gero aldika irrati saio batean irakurtzeko gisan.
Oroitzapen horiek gure eskuetara heldu ziren duela urte pare bat eta horrelako lekukotasun hunkigarri bati bere tokia eman nahi izan diogu sail honetan.
Hastetik bururaino, gero zer gertatu zen jakin nahia pizturik dauka irakurleak, Baionako "Villa Chagrin"etik hasi, Bordeleko Fort du Ha eta Compiègneko kanpalekuan gaindi, Büchenwalderainoko bide luza, block-etako bizimoldea, eritasunak, erlisionea nola bizi zuten kanpalekuan, beronen bonbardatzea, Dachau-rako bidea eta bertako block-etan iragan azken hilabeteak, 1945eko apirilaren 29ko egunean amerikar soldadoak ikusi arte...
Idazlearen euskara ederra ahal guztia atxiki dugu, Euskaltzaindiak finkatu aditzari eta hiztegiari jarraikiz halere, elkarrizketetan ezezik. Horrela, ahal bezainbat irakurle ukan beza Euskal Herrian gaindi eta urrunago ere, adinekoetan ala gazteagoetan.