Euskara, euskaldunon bizimoldea, antzinako legeak eta arbolak ; batez ere arbolak eta hizkuntza maite ditu Arrese Beitia (1841-1906) poetak. Karlista ohia, abertzaletasunaren aitzindaria dugu Otxadioko poeta. Laster Arana Goirirengan aurkituko ditugun gai guztiak Arrese Beitiak landuak ditu jadanik, eta hark ez bezala euskara garbi eta herrikoian eman zituen gainera. Antologia honetan bilduriko poemetan aurkitzen dira ondorengo poetak mamituko duten poesiaren giltzarri asko.