"Trataktus filosofikum sakonis" apurturiko puzzle anarkiko eta osatugabea da. Liburu honetaz ezin da hitz egin "Gaueko abentura" (2000. urtea, Hiria argitaletxea) gogora ekarri gabe, biak liburu bizkiak dira eta. T.F.S. sailkatzeko orduan, arazoak izan ditzakegu. Beraz, esan dezagun prosa dela, eta kito. Halako espiritu punky-nihilista batean oinarriturik -ildo hori jada experimentatua baitauka egileak hainbat poesia-liburutan-, egilearen begirada ildo poetikoaran eta isil-hizketaren artean dabil, idazlearen -gizakiaren- bakardadea da bakarrizketa ironiko, absurdu, umoretsu eta etiliko honen mataza askatzen duena (batzuetan zentzudun eta guzti ematen badu ere !). Egileak errealitatea eta fantasia nahasi eta irakurleari gonbit egiten dio, osatzerik ez dagoen puzzlearen piezak elkartzera.