Ongi etorri gure etxera! Sartu barrura eta ikusi, hemen gauza asko dago ikusteko eta ikasteko. Gure etxean bada beti zerbait: haurrok maindireak burutik behera jantzi eta mamu izatera jolasten gara gela barruan, edo plisti-plasta egiten dugu bainuontzian, ura gainezka hasten den arte. Beheko musika irakasleak jai eder bat ospatzen du, eta aldameneko aiton-amona maitagarrien etxean, zakur lotsagabeak badu zer egin etxe guztia hankaz gora jartzen. Beste bizilagun bat daukagu duela denbora gutxi: sagutxo jostakin bat. Ikusi al duzu non dabilen? Ongi miatu gure etxea barrua ; erne begiak ! bilatzen ez duenak ez du aurkitzen, eta ongi pasa, maritomasa.