52 urteko gizonezko bat, unibertsitateko irakaslea, sexu-afera baten erruz lana galdu eta alaba bizi den etxaldera joango da ; naturaren harmonia ez da dirudien bezain lasaia, ordea, mendeetako arrazismoak bere orbainak eta ordainak baititu aparthaidaren osteko Hegoafrikan.
Ez da erraza topatzen Coetzee bezain zorrotzik gizarte-talkak gordin eta sakon aztertzen, klixe eta zuzentasun guztietatik urruti : arrazen eta kulturen arteko gatazka ez ezik, sexuen artekoa... Denetan ere barreneraino sartzen du hatza, fikziozko pertsonaien baitan geure arima taupaka sentiarazteraino.
Erritmo bikain zaintzen duen prosa zehatz eta doi batez, irakurlearen gogoan luzaroan geratzen diren maisulan horietako bat lortu du J.M. Coetzeek, aspaldi ez bezala mundu osoko krtitkaren nahiz publikoaren adostasuna lortu duen Nobel saridunak.