Liburu labur honek "Euskal Herria" deritzogun entitate kulturala osatzen duten lurraldeetan arteak historian izan duen eboluzioa aztertzen du.
Horretarako, ahal den neurrian, testuak saihestu egiten du obra, autore eta daten zerrendetara jotzea, eta, hitzaurre historiko eta kulturaletik abiatuta -lehenik, nazioarteko kontestutik, eta, ondoren, Euskal Herriko lurraldeari buruz-, gure lurraldeetan garatu den artearen ezaugarri nagusiak aztertzen ditu.
Alde horretatik, liburuak orobat jorratzen du "euskal artea" terminoaren existentziaren eta definizioaren auzia ere, eta, gaiaren gaineko eztabaidaren eduki nagusiak jasotzeaz gain, beste bat gaineratzeko ahalegina egiten du, auzia ebatzitzat ez ematearren, baizik eta beste ikuspuntu batekin aberasteko; batez ere, irakurlearengan gizakiaren adierazpen interesgarrienetako batenganako interesa ernatuko duelakoan.
Koloreetako argazkiak baliatu dira arteaz diren liburuak ilustratzeko; gainerakoak janzteko, aldiz, zuri-beltzeko irudien hautua egin da.