XVI. Mendeko itsas-giroan kokaturiko thriller historikoa dugu Sukar ustelaren urtea. Ingalaterrara abiatzekotan da Armada, Txit Zorionekotan iritzi zitzaion huraxe. Marinel artean batzuk fortuna edo mentura bila lotu zaizkio Armadari, beste batzuk, euren borondatearen kontra tostari loturikoak, bogalri gisa abiatuko dira. Sebastian Zubiletakoa ordea, ihesean doa, maiteminetik, bere bihotzeko ekaitza, maitasuanren gaztigua, itsasoan leundu nahian.
Baina ontzitik irten gabe ere egin behar izan zioten aurre heriotzari, gazteleraz batzuek "tifus" deitzen zuten hari, Sebastian Zubiletakoaren euskaraz "sukar ustela" zeritzanaren kontra. Eta gorrotoari. Sukar ustela baino gorrotoa ustelagoa dela ikasiko baitu Sebastian gazteak, eta menderatzen zailagoa.