Bilintx eta S. Barojarekin batera Ramon Artola XIX. gizaldian Donostian egokitu zen iratzarmendu poetikoaren lekuko dugu. Gaztaroko bere bertso herrikoietatik hasi eta heldutasuneko poema landuagoetaraino doan bidea, euskal poesia herrikoiak bere garapenerako eman zituen pausoen adierazgarri dugu. R. Artola, bestalde, bere garaiko kronikari poetikoa ere bada. Oparoa eta bikaina da R. Artolaren lana eta, dudarik gabe, arrazoirik gabeko bidegabekeriaz bere obra merezi duen balorapenaz ez bada jantzia izan ere, hemen eskaintzen dugun antologia izan bedi bere merituen baliagarri.