Lanbidez jurista. Hizlari trebea. Euskal Foru-Zuzenbidean aditua. Euskal Autonomia Estatutuaren erredakzioan parte hartu zuen eta Euskadiko Epaitegi Goreneko lehendakari hautatu zuten. Idazteari ere ordu asko eskaini zion. Poesiak idatzi zituen. Baina bere lanik garrantzitsuenak, saiakerak eta euskal gaiei buruzko artikuluak, gaztelaniaz paratu zituen. Etnologia eta Historia gaietan oso jantzia, "Historia del País Vasco", "Lucha de idiomas en Euskadi y en Europa" eta beste hainbat liburu plazaratu zituen. 1925ean bere anaia Karmelok utzitako aulkia hartu zuen Euskaltzaindian.