Esku artean daukazun liburua hau Harribeltzetako ipuinak eta Makurmendiren magalean izeneko liburuek osatzen duten trilogiaren azkena da. Bertan Makurmendiren magaleko Harribeltzeta herrian gertatutakoak edota gerta zitezkeenak jasotzen dira. Denboraren aldetik atzoko, gaurko, biharko, eta baita etziko istorioak ere, nahasten dira herri oso baten erretratu magikoa eginaez. Jentilen erregina, Ugarte inkisidorea, Maurixio itsua, Barungako sorgina, Musubeltz buruzagi karlista, 36ko gudariak, Drakularen gazteluan aterbetzen diren ezkonberriak, On Martin sendagile parranderoa, Ioritz tabernari gaztea, Joan Joxe eta Juliantxo anaia pilotariak, bikingo espazialak... beste aunitzen artean, izango dira liburu honetako orrialdeetan agertuko zaizkigun pertsonaietako batzuk.