Lehen euskal hiztegi alderantzikatua da. Hiztegi bat da, hiztegi berezia, ordea: euskal hitzen zerrenda zabala da, alfabetikoki ordenatua, baina ez hitzaren hasierako letretatik abiatuta, bukaeratik baizik. Denok dakigu atzizkiek eta elkarketa-bideek euskaran duten emankortasun eta garrantzia zenbaterainokoak diren, eta zeinen garrantzitsuak diren euskara ongi menderatzeko. Baina azken hauek landu eta ondo ezagutzeko hiztegiaren egitura konbentzionalak ez du biderik ematen, eta hutsune hori bete nahi du hiztegi honek.
Hiztegia, beraz, 60.000 sarrerak osatutako hitz-zerrenda da, liburuan nahiz ordenadorean kontsulta daitekeena. Hitzen hurrenkera, esan denez, azken letratik abiatzen da, ondoren azken-aurrekoa, horren aurrekoa, etab., baina letra-segida arruntean ematen dira hitzak. Ohiko hiztegi-sarreretako forma soilez gain, hitz elkartuak, eratorri morfologikoak, esapideak eta hitz anitzeko unitate lexikalak ere jasotzen ditu hiztegi honek. Adibidez, esan-ekin batera gezurra esan, meza esan, gorriak esan, golkorako esan, agur esan...