Historiaurrean murgiltzea gure iraganaren muinera bidaia egitea da ; ezagutzea gure espezieak nola lortu zuen, urratsez urrats, sua menderatzea, animalia basatiak ehizatzea, etxekotzea, buztina eta metalak lantzea, planetako bazter guztiak okupatzea, haztea, aurrera egitea.
Liburu honen bidez, denbora tarte luze horretan barrenako ibilbidea proposatzen dugu ; ibilbide erraza, adibidez lagundua. Bide horretan, bizirik iraute hutsa lorpen handia zen garai zail haien berri jaso eta hurrengo milurtekoetan funtsezko izan ziren aldaketa handien garaia gogora ekarriko dugu.
Orrialde hauetan giza taldeek ohiturak eta garatze bidean ziren teknologiak finkatzeko aukeratu zituzten tokien azterketa egingo dugu. Baina, batez ere, gizakiak ehundaka mila urtean zehar nolako bilakaera izan duen aztertuko dugu ; tresnak egiteko uharriak lantzen hasi eta antolaketa zorrotzeko herriak eraikitzera eta gaur egun dugunaren antzeko antolaketa finkatzera nola iritsi zen ikusiko dugu.