Lan honetan Euskal Herriko geografiaren ezaugarri nagusien laburpen bat eskaintzen da. Lurraldea bera aurkeztu ondoren, euskal lurrak dituen ezaugarri abiotikoak (erliebea, klima, ura) eta biotikoak (landaredia eta fauna) azaltzen dira, inguru fisiko bateratu eta elkarreragile baten ikuspegitik. Bigarrenik, biztanleriak azken aldi honetan izan duen bilakaeraren laburpen bat eman ondoren, landa eta hiri ingurumenak gero eta elkarren mendekoago egiten ari den dinamika baten ikuspegitik ulertzeko balio diezaguketen klabeak aztertzen dira.
Eta, azkenik, azalpen labur bat eskaintzen zaigu, baliabideak historian zehar eta gaur egun nola baliatzen eta kudeatzen diren, zer arriskuri aurre egin behar izan zaien, eta arrisku horiek lurraldearen kudeaketa iraungarri baten bidez nola gutxitu eta saihets daitezkeen adieraziz.