Autobiografia eta saiakera kutsuko idazlanen ondoren, fikziora itzuli da Xabier Mendiguren Elizegi Bihotz Gosetien kluba liburuarekin. Bost narrazio labur eta luzeagoak bildu ditu maitasunaren nahi eta ezinaren gaiaren inguruan. Umorez zipriztindutako istorioak dira. Estilo jostalaria darabil egileak kontakizun hauetan, pertsonaien lepotik barrez batzuetan eta haien kuitekin bat eginez besteetan, igurtziak eta atximurrak tartekatuz, amodioak berak egiten duen antzera.