Bi hari ditu Dragoien orroa-k. Orain dela milaka urte gertatzen da bat : azken herensugea akabatzeko asmoz elkartu dira basajaunak, jentilak, gizotsoa... Gogorra izango da borroka, eta garai mitiko zaharraren amaiera sumatzen da zeruertzean. Bigarren harian, gure egunetara etorrita, gaua mendian akanpatuta pasatzeko asmoa du Eskoriatzako gazte-koadrila batek, baina neska-mutil horiek ezin igarri zer ezkutatzen den lurpean.