Beti lasterka eta ihesi ibiltzen dela-eta Garibaldi deitzen dioten mutiko baten bizitza eta abenturak dira. Izan ere, beti ihesi dabil bere aita zakar eta neurastenikoarengandik bere anaiarengandik, liburu gehiegi irakurtzen dituelako, eta bere familiako gainerakoengandik, alproja hutsak baitira.
"1971n Estatu Batuetara joan nintzen, eta han sortu zen Denak hasperenka. Herrixka batean bizi nintzen, muino baten behealdean, eta nire bizilagunak ziren bi irlandar, New Jerseyko judu bat, Bombayko indiar bat, Osakako japoniar bat eta bi amerikar zuri eta protestante, Bostongoak. Nahaste etniko hartan, hazi nintzeneko familiako hizketa etortzen zitzaidan gogora. Eta horrek idazteko gogoa ematen zidan, beharbada bizimodu hura -pertsonaia mitikoz, amorrazio zaratatsuz, amodiozko tirabira eta irrika bridagabez osatua- hain baitzegoen urrun, non ia mundu imaginarioa bihurtua baitzen ordurako.
Hizketak, beraz, osaben, aitonen, gurasoenaren kutsua du : baina ez da mundu honetakoa. Bestalde, aspaldi hartan komikizale amorratua nintzela nabari da idazkeran."
Gianni Celati.