Desobedientzia zibilaren funtsa "aingerua kartzelan" erakustean datza. Gisa honetan, errugabea zigorpean ikusteak gizartean sorturiko zirrara indar bilakatu nahi du, eta indar hori aldaketa sozial eta politikoak gauzatzeko erabili. Desobedientzia zibilaren xedea horixe bera da: gizartea zirraratu eta aldaketaren atarian jarri. Saiakera honek euskaldunari euskaldun gisa bizitzea proposatzen dio, askatasuna askatasunaren bidez erdiesteko adibideak eskainiz, desobedientzia zibila ez baita ezeren kontra jaiotako jarrera, zerbaiten alde jaiotakoa baizik.