Santutxuko Sorgintxulo gaztetxearen auziaren karira sortu da liburu bitxi eta liluragarri hau. Gaztetxearekin bat eginez, berrogeita bat idazlek eta beste horrenbeste irudigilek eginiko lanekin osatuta dago "Ametsen baratza". Poemak, ipuinak, artikuluak... denetarik aurkituko du irakurleak lan zirraragarri honetan, helburu jakin batekin egina dagoen liburuan : Sorgintxulorentzat diru-laguntza batu. Baina horrek ez dio kalitate tantarik kentzen lan berri honi, eta Unai Elorriaga, Julen Gabiria, Harkaitz Cano, Ixiar Rozas, Felipe Juaristi edo Arantxa Iturbe bezalako egile ospetsuen parte hartzeak ziurtatzen du maila. Durangoko Azokara begira zer esan asko emango duen liburua da "Ametsen baratza", ametsak amets baino zertxobait gehiago direla erakutsiko digun lan solidario eta aparta.
Proiektuan parte hartu duten idazleen zerrenda : Harkaitz Cano, Javi Cillero, Felipe Juaristi, Arantxa Iturbe, Kirmen Uribe, Asel Luzarraga, Goizalde Landabaso, Julen Gabiria, Unai Elorriaga, Paddy Rekalde, Tere Irastortza, Edu Zelaieta, Bertol Arrieta, Itxaro Borda, Castillo Suarez, Karmele Jaio, Uxue Alberdi, Juan Luis Zabala, Xabier Mendiguren Elizegi, Gotzon Barandiaran, Juan Mari Irigoyen, Pako Aristi, Patxi Zubizarreta, Amets Arzallus, Iban Zaldua, Lutxo Egia, Xabi Borda, Maddalen Lujanbio, Gerardo Markuleta, Ixiar Rozas, Mikel Taberna, Asier Serrano, Fernando Morillo, Lander Garro, Juanra Madariaga, Miren Agur Meabe, Mikel Peruarena, Eneko Bidegain, Aritz Gorrotxategi, Eider Rodriguez eta Urtzi Urrutikoetxea.
Oharra : Esan beharra dago, baita, beste asko liburutik kanpo geratu direla desgraziz, leku arazoak medio. Guztiei, esker mila.