Gorria da Trianoko lurra; gorria da inguru haietan behinola ugari zegoen mineralaren aztarna; gorria da Galdameseko mendien atzean ezkutatzen den eguzkiaren isla. Baina, gauak eguna menpe hartzen duenean, beste gorri mota bat nagusitzen da Zugaztietan: dirua inolako gupidarik gabe egin nahi dutenen ikuskizun larria. Blacky, Patxoren txakurra, ikuskizun horretara eramaten dute, ilbetea lekuko dela. Lagunen ausardiak bakarrik salbatu ahal izango du txakurra eskrupulurik gabeko gizon-emakumeek prestatu dioten borrokatik.