Mundua zeruko hegazki ttikiek gobernatzen zuten garaikoa duzue historia hau. Aspaldikoa. Oso aspaldikoa. Aspaldi-aspaldikoa. Udazkenik eta udararik ez zen garaikoa. Soilik udaberria eta negua zirenekoa. Zozoten, Okilegin, Enaratokin, Txolarzelaian, Arranogainen, Txepetxatxokon, Usategietan, Kukumendin... Bazter guztietan jaun eta jabe ziren lumadun hegalari zerutiarrak.