Olatuen indarra argindar bilakatzeko teknologia gero eta aurreratuago dago, baina oraindik bide luzea du aurrean haize energia eta beste energia berritagarria batzuk bezainbeste garatzeko. Euskal Herrian badaude hainbat egitasmo etorkizuneko energia izan daitekeen hori ikertu eta garatzeko. Datorren astean, berriz, mundu osoko adituak bilduko dira Barakaldon egitekoa den Itsas Energiaz 3. Nazioarteko Jardunaldian.
Itsasoa energia iturri agortezina da, baina hura ustiatzeko teknologia ez dago oraindik guztiz garatua ; etorkizunean garrantzi handia izango duela uste dute adituek, eta hori iritsi artean, ikerketari ematen diote lehentasuna.
Olatuen energia ustiatzeko planta eraikitzen ari dira Mutrikun (Gipuzkoa) ; turbina anitzeko lehenegoa izango da munduan.
Ingurumen azterketarik egin ez delako, hainbat talde ekologistak salaketa jarri dute plantaren proiektuaren kontra.
BIMEP izeneko plataforma eraikiko dute Armintzan (Bizkaia), itsas energiaren inguruko ikerkuntza sustatzeko asmoz.