Elektroia Joseph John Tomsonek aurkitu zuen, 1897an. Materiaren egitura ezagutzeko grina hutsak bultzatu zuen Tomson; inolaz ere ezin zuen igarri hamarkada batzuk geroago, bere aurkikuntzari esker, telebista jaioko zela. Zientzia ikerkuntzaren aurpegi biak dira. Jakin nahiak behartuta ikertzen dugu, aurkitutakoak hobeto bizitzeko balio digu... batzuoi. Sarritan, bigarrena bihurtzen da ikerkuntzaren helburu bakar. Ekonomia, ekoizpena, merkatua... Horiexek agintzen dute gaur egun, eta Euskal Herria ez da salbuespena. Bost adituren eskutik, zientziak hartu behar lituzkeen bideei buruzko eztabaidan murgildu gara, eta aldi berean EAEn ikerkuntzak bizi duen bultzadaren argiak eta itzalak ezagutu ditugu. Ez da ahaztu behar, besteak beste, ikerketak oso tradizio murritza duela munduaren txoko honetan.