Astelehena zen 1937ko apirilak 26a, azoka eguna Gernikan, eta ustekabean hegazkin batzuk agertu ziren zeruan, handik aitzina infernu bilakatu zen Bizkaiko herri ezagun hura. Bi oren eta erdian, suzko bonbekin lehertu zuten lurra, 50 tona jaurti zituztelako Gernikaren gainera, eta eraikin bakan batzuk salbu, herria erabat suntsiturik utzi zuten. Hegazkinak Condor Legioarenak ziren, Hitlerren Alemania naziko aire indar bereziko kideak, Espainiako Gerra Zibilean Francoren alde borrokatzeko bidaliak. Luftwaffeko buru zen Herman Goeringek proposatu zion Adolf Hitlerri Condor Legioaren sorrera, eta Alemaniako aire indarrak egiazko gerra batetan nola erantzungo zuten probatzeko asmoarekin Francori aire laguntza eskaini zion sekretupean.