Ez da udaberrikoa bezain garai ederrik Erriberako hiriburura bisitan hurbiltzeko, izan ere, berdez janzten baitute maiatzero; barazkiaren hiria zaharra da, ordea, eta barazkia goraipatzeko jardunaldiak baino dexente lehenago eman dizkigu Ebro amak egunotako oparoa. Beude haatik ospakizunak, josta eta dasta dezagun bedatse emankorra Tuterako igaliez, hiri zaharreko karrika anabasan sartuz eta zain dauzkagun istorioak gozatuz.