Blogak ez dira gauza berria Interneten. Horien erabilera, ordea, gero eta gehiago ari da zabaltzen. Aukera asko ematen ditu sareak, eta parte hartzeko modurik hedatuena da norberak bere bloga sortu eta lantzea.
Abenduaren 3an bost urte beteko ditu Patxi Gaztelumendiren gaztelumendi.org blogak. Urteurrena buruan, diseinua aldatu du Gaztelumendik aste honetan, eta irakurleengandik jasotzen dituen aholku eta gomendioekin, bosgarren urteurrenerako diseinu berria erabat finkatzea espero du.