Pastoral guzietan berrikuntzak izaten diren arren, aurtengo pastoralean berrikuntza handiak itxaro genituen, eta egia errateko, hizkuntzaren gordintasuna kendurik, ez dira horrenbestekoak izan ; eta hobe horrela agian, erran nahi baitu pastorala etengabeko berritzean ari den antzerki mota dela. Badaki betikotik edaten, baina beti aitzina begira. Azken hamarkadetan, pastoral-idazle eta errejentek manera guzietako berrikuntzak landu eta burutu dituzte, ez dira nehoiz antzinako moldeetan estekaturik gelditu.