Uxue Apaolaza : Irakurtzeak, maitemintzeak bezala, jainko sentiarazi ninduen naizen hau izatea jasangaitza zitzaidanean.
Pko Aristi : Irukurtzeak bizitza edertu egiten du, baina bizi ondoren bakarrik ulertzen da irakurritakoa bere sakontasun osoan.
Itxaro Borda : Chichen (h)itza ipuinean zazpi urteko Silvia mayatar neskatxari omenaldi bat eskaintzen diot, irakurtzen ikas dezala otoiztuz, nihaurk irakurriz mundua ezagutu dudalako.
Harkaitz Cano : Neskato bat liburuaren bizkarra parez pare ireki eta hura erosoago irakurtzeko magalean zanpatuz: une epifanikoa.
Angel Erro : Poetaren ahots poetikoak Irakurlearen begi are poetikoagoa aurkitu zuenekoaz.
Edorta Jimenez : Irakurtzeari buruzkoan beti hor dabilen eztabaida dela-eta Edorta Jimenezek hitz batekin eman digu bere iritziaren gakoa: zurikeria. Zurikeriaren aurkako antidotoa ere proposatu digu: lilura sorrarazteko gaitasuna.
Felipe Juaristi : Liburuek mugatzen dute gure bizialdia. Haurtzaroan liburu koloretsuak ditugu maite; gaztaroan irudimenari hegoak emango dizkioten liburu arinak; heldutasunean garena bermatzen dituzten liburu sakonak.