XIX. gizaldiko tradizioari jarraituz Iturriagak ere bere Alegiake edo Fableak idatzi zituen Samaniego eredutzat harturik. Iturriaga, ordea, ez du itzulpen soila burutzen, aitzitik egokiera jatorra lortzen du alegi bakoitzean, bere kabuz zertzeladak erantsiaz eta euskal mundura erakarriaz. Bertsogile azkarra dugu Iturriaga eta modu bikainean jakin zuen bere lana, ahozko literatur tradizioaren eremuan kokatzen. Elizgizona izan arren, Iturriagaren lanek, euskal literaturaren sekularizazio prozesuan pauso garrantzitsua suposatu zuten.