Xabier Montoiak 1990ean idatzi zuen bere lehendabiziko nobela orain gaurkotu eta berrituan dator argitara. 80Etan "rock radical" izena jarri zioten giro hartako istorio bat kontatzen du, trama politiko eta ekonomiko batez korapilatua. Gaztetxea, musika taldeak, betiko tabernako jonkia, poliziak eta ertzainak dira komeria garratz honetan Montoiak elkarren artean behin eta berriro kateatzen eta askatzen dituen pertsonaiak.
Juan Mari Iriarte, garai batena zeukan bikote moduagatik Stalin deitzen diotena desagertu egin da aztarnarik utzi gabe. Koadrilakoak eta Gorroto musika taldeko kideak bere bila dabiltza : kartelak jarri dituzte hormetan, jaialdia antolatu dute desagertzea salatzeko.... eta halako batean albiste trebeki txarrak eman ditu telebistak. Tentsio uneei trebeki eutsiz, komiki moldeak baliatuz, umore onez eta ironiaz lotutako istorioa da "Non dago Stalin ?" : ezaguna zaigun mundu baten kronika posibleetako bat.