Liburuak eskaintzen dizkizun Lauaxetaren poemak ez dira maldarik gabeko bidea. Horregatik, irakurketa erraztu nahian, egokitu egin da XX. mende hasierako idazkera eta gaurko idazkera batura aldatu. Olerki aukeraketa eta aldaketa honekin Europako literaturaren modernitatea Euskal Herriko poesiara ekartzeko asmoa izan zuen lehenengo olerkariaren idazkiak gaur egungo irakurlearen begi aurrera ekarri nahi izan dira. Horrekin batera, Lauaxetaren gogoko olerkarien aukeraketa bat egin da bere poemak idaztekotan buruan izan zituen eredu, oihartzun eta oroimenetara hurbilketa bat eginez. Baten irakurketak besteen doinua eta oihartzuna dakartzalako sarritan, bai gaiaren aldetik, zein erritmoa gogoratuz, irudiak edo oroimen lausotua.